Ջ-Ճ-Չ-ի ուղղագրությունը

Կետերի փոխարեն լրացրեք ջ, ճ կամ չ:

ա/  ալո …, ակնակապի…, աղ…ատել, աղ…ամուղ…, ա…պարար, անա…առ, անզի… ում, անմի…ապես, ան…րդի (չջրած, չոր), անտերուն… (չքավոր), անր…ել, ա…ալուր…, ա…քաբաց, ա…ակողմյան, ա…ափնյակ, ա…լիկ, առա…արկություն, մի…ատ, մի…ոց, շուր…պար, վեր…ակետ, աղ…իկ, ո…խար, ո…իլ, չղ…իկ, փախ…ել, փար… (կավե գավաթ), քրքի…:

բ/  առա…ին, առող…ություն, առն…ություն, բաղար… (գաթա), բա…կոն, գաղթօ…ախ, գաղ… (խոնավ, բորբոսնած), գա…ա… (թզուկ, փոքր), գեղ…ուկ (գյուղացի), թռ…ուն, թռ…ել, թր…ել, թր…ոց, հոր…որ…ել (անվանել, կոչել), մե…տեղ, մի…ակ, մի…օրե, ող…ույն, վեր…ին, մխր…վել, մռն…յուն, մր…յուն, շի…ուկ, ող…ագուրվել, քուր…:

գ/ առա…նորդ, գո…ի, դա…ել, եղ…երու, երկարա…իտ, զեղ…ել, զի…ել, զղ…ալ, Է…միածին, ըն…ացք (բեղ), ըն…աքաղց (ագահ), թարթի…, ի հե…ուկս (հակառակ մեկի), ի…նել, լայնալի…, լա…վարդ (կապույտ), կտրի… (կտրող գործիք),կտրի… (քաջ), հառա…անք, մի…ամտել, մի…ավայր, նախ…իր (կոտորած), տարեվեր…, ուռ…անալ, ուռ…ել:

դ/  ամբող…, առա…նորդ, առէ…, բարեհա…, դար…նագույն, խառնի…աղան… (խայտաբղետ), խո…կոր, խր…իթ, ծխամոր…, կառ…ել, կարի…, կ…ղակ, կ…մթել, կն…իթ, կո…կել, կոր…ել, կռ…իկ, հար…, ճան…, ճղ…իմ, մահ…ակալ, մա…կալ, մար…ան, մե…բերում, մե…ք, մին…և, մի…և, մի…ադեպ, նկար…ական, շեղ… (կույտ), սո…ի, Սո…ի, վայրէ…ք, վեր…աբան,

8-րդ դասարան, ընթերցանության նյութեր, սեպտեմբեր-հոկտեմբեր

Ավետիք Իսահակյանի «Ամենապիտանի բանը» պատմվածքը:
Խորխե Բուկայ «Սիրել բաց աչքերով»
Ջանի Ռոդարի «Սև քթերի երկիրը»
Մարիո Բենեդետի «Ինձ դուր են գալիս մարդիկ»
Մ. Բրոուն «Արծիվը»
Սողոմոն Իմաստուն, Երեք առակ

Կոմիտասյան օրեր

   Կոմիտասյան երգերի կատարումներ առավոտյան ընդհանուր պարապմունքներին
Գրական ընթերցումներ, հուշագրություններ,  նամականի՝ նվիրված Կոմիտասին, 
 Կոմիտասի «Բանաստեղծությունններ» -ից   ընթերցումներ, ձայնագրություններ:
Մուշեղ Գալշոյանի «Սպասում» պատմվածքի ընթերցում, քննարկում:

Սեպտեմբերի 14-30

Սուրբ Կարապետի վանք
Ճամբար Արատեսում

Կոմիտասյան օրեր

Ընթերցումներ և քննարկումներ
Նամականի
Խորխե Բուկայ

Հայոց լեզու
Գործնական քերականություն, 8-րդ դասարան

Մայրենիի ֆլեշմոբ՝ սեպտեմբերի 16 

Ճամփորդություն Սուրբ Կարապետ վանք

Ճամփորդության օրը— սեպտեմբերի 21-ին

Ճամփորդության պատասխանատուներ— Կարինե Պետրոսյան

Ճամփորդության մասնակիցներ— Միջին դպրոցի տարատարիք սովորղներ

Մեկնում— Մայր դպրոցից ժամը՝ 9․00

Ժամանում-Մայր դպրոց ժամը 18․00

Ճամփորդության երթուղին— Մայր դպրոց- Ք. Մասիս- Արտաշատ- Վեդի-Ուրցաձոր

Նպատակը և խնդիրները

  • Ճանաչել և ուսումնասիրել տվյալ տարածքը, բնակավայրը, պատմամշակութային շինությունները, եկեղեցիները և այլն:
  • Ճանաչել և ուսումնասիրել տվյալ տարածքի վայրի բույսերը, նրանց բուժական նշանակությունը:
  • Զարգացնել  բարձունք հաղթահարելու կարողությունները:
  • Նախապատրաստվել և քննարկման արդյունքում ձևակերպել բարձունք հաղթահարելու կանոններ՝ չընկճվել, պատրաստ լինել դժվարությունների և փորձել դրանք հաղթահարել, ուժ և ջանք գործադրել նպատակին հասնելու համար:
  • Զարգացնել ճանաչողական և տեղեկատվական նյութեր հավաքագրելու կարողություններն ու  հմտությունները:
  • Ուսումնասիրել, որոշակի տեղեկություն ունենալ (նախապես կամ հետո) տվյալ բնակավայրի / գետեր, լճեր, սարեր,անտառներ/, պատմամշակութային շինությունների մասին / եկեղեցիներ,վանքեր, հուշարձաններ/:
  • Զարգացնել խմբով աշխատելու և ճամփորդելու կարողություններ:
  • Նախապատրաստվել և ձևակերպել որոշակի կանոններ՝ օգնել ընկերոջը, քայլել արահետով, խմբից չառանձնանալ։
  • Մեդիահմտությունների զարգացում. փորձել օգտագործել նկարելու և լուսանկարելու կարողություններն ու հմտությունները:

Անհրաժեշտ պարագաներ

  • Սպորտային համազգեստ
  • Սպորտային կոշիկ
  • Ուսապարկ
  • Արևային գլխարկ
  • Բրդուճներ
  • Ջուր
  • Աղբի տոպրակ, ձեռնոց
  • Հիգիենայի պարագաներ
  • Ալկոգել
  • Դիմակ
  • Հեռախոս կամ ապարատ (տեսագրման և ֆոտոների համար)
    Ակնկալվող արդյունքը` ճամփորդության տպավորությունների լուսաբանում բլոգներում, սոցցանցերում, ենթակայքում:

Հույժ կարևոր

  • Մասնակիցները ջերմաչափվում են:
  • Մեքենան` պարտադիր ախտահանված, միացված է լինելու օդափոխման համակարգը
  • Կպահպանվեն հակահամաճարակային բոլոր նորմերը: 

Մասնակիցներ

Խորխե Բուկայի «Չեմ կարողացել, չեմ կարողանում ու երբեք էլ չեմ կարողանա»

J.Bukay

Երբ ես փոքր էի, պաշտում էի կրկեսը, և կրկեսում ամենից շատ գազաններն էին ինձ դուր գալիս: Ինձ հատկապես փիղն էր գրավում, որը, ինչպես հետո իմացա, նաև մյուս երեխաների սիրելին էր:

Ներկայացման ժամանակ այդ հսկայական վայրի կենդանին ցուցադրում էր իր անասելի քաշը, ուժը, չափսերը… Բայց իր ելույթից հետո մինչև հաջորդ ելույթի սկիզբը նա շղթայված էր, շղթայի մի ծայրը կապված էր փղի ոտքին, իսկ մյուսը` գետնի մեջ խրված ցցին:
Այն ընդամենը փայտի մի կտոր էր, որ միայն մի քանի սանտիմետր էր խրված հողի մեջ: Չնայած շղթան հաստ էր և ամուր, ինձ համար ակնհայտ էր, որ այդպիսի կենդանին, որն ընդունակ է ծառեր արմատախիլ անելու, հեշտությամբ կարող էր այդ ցիցը հանել ու փախչել:
Ինձ համար հանելուկ էր մնացել` ի՞նչն էր նրան պահում, ինչո՞ւ նա չէր փախչում:
Երբ դեռ հինգ-վեց տարեկան էի, հավատում էի մեծահասակների իմաստնությանը: Չեմ հիշում` այս հարցերը ես տվեցի ուսուցչի՞ս, հայրիկի՞ս, թե՞ հորեղբորս: Նրանցից մեկն ինձ բացատրեց, թե փիղը չի փախչում, քանի որ  վարժեցված է:
Այդ ժամանակ ես տվեցի միանգամայն ակնհայտ հարց. «Եթե փիղը վարժեցված է, էլ ինչո՞ւ են նրան շղթայում»:
Հիշում եմ, որ ոչ մի բավարար պատասխան չստացա: Ժամանակի ընթացքում մոռացա փղին էլ, նրա հետ կապված հարցերն էլ և այդ մասին հիշում էի միայն մարդկանց շրջապատում, ովքեր գոնե մեկ անգամ այդ հարցն իրենց տվել են:
Մի քանի տարի առաջ հայտնաբերեցի, որ, հուրախություն ինձ,  բավականին խելացի մի մարդ գտել է հարցի պատասխանը` կրկեսային փիղը չի փախչում, որովհետև նա մանկուց կապված է նմանատիպ ցցի:
Աչքերս փակեցի և պատկերացրի ցցին կապված նորածին անպաշտպան փղին: Վստահ եմ, որ այն ժամանակ փղիկն ամբողջ ուժով ձգվել է` փորձելով ազատվել: Բայց, չնայած  ջանքերին, ոչինչ չի ստացվել, քանի որ ցիցն այն ժամանակ բավականին ամուր է եղել:
Պատկերացնում էի, թե ինչպես է նա երեկոյան ուժասպառ ընկնում, իսկ առավոտյան փորձում նորից ու նորից… Մինչև, իր համար սարսափելի մի օր, նա հնազանդվել է իր ճակատագրին՝ ընդունելով սեփական անզորությունը:
Այդ հսկա և հզոր փիղը կրկեսից չի փախչում, քանի որ խեղճը կարծում է, թե չի կարող:
Նրա հիշողության մեջ մնացել է անզորության այն զգացողությունը, որն ապրել է ծնվելուց անմիջապես հետո:
Եվ ամենավատն այն է, որ այդ հիշողությանը նա երբեք չի կասկածում:
Նա այլևս երբեք չի փորձել իր ուժը կիրառել:
-Այսպիսին է կյանքը, Դեմիան: Բոլորս էլ ինչ-որ բանով նման ենք կրկեսի փղին. այս կյանքում մենք կապված ենք հարյուրավոր ցցերի, որոնք սահմանափակում են մեր ազատությունը:
Ապրում ենք` համարելով, որ «չենք կարող» անել բազում գործեր, ուղղակի, որովհետև, շատ վաղուց, երբ դեռ փոքր էինք, փորձել ենք ու չենք կարողացել:
Այն ժամանակ վարվել ենք այս փղի նման, մեր հիշողության մեջ գրանցել ենք այսպիսի հրահանգ. «Չեմ կարողացել, չեմ կարողանում և երբեք չեմ կարողանա»:
Մենք մեծացել ենք այս հրահանգով, որն ինքներս ենք մեզ տվել, և դրա համար էլ երբեք չենք փորձել ցիցը հանել:
Երբեմն, շղթայի ձայնը լսելիս, հայացք ենք ձգում ցցին և մտածում.
Չեմ կարողանում և երբեք էլ չեմ կարողանա:
…. Եվ միակ ձևը պարզելու, որ դու  կարող ես ինչ-որ բանի հասնել, նոր փորձ անելն է, որի մեջ կներդնես քո ամբողջ ոգին:

Ուրցաձորի Ս. Հովհաննես Կարապետ վանք

 

 

 

Միջնադարյան հայկական ճարտարապետական այս համալիրը գտնվում է Արարատի մարզում, այժմ լքյալ Ջնջռլու գյուղատեղիից 1կմ հյուսիս-արևելք, ՈՒրծի լեռների հյուսիսային լանջերի կենտրոնական հատվածում՝ մոտ 1850 մ բարձրության վրա,  Վեդի-Լուսաշող ճանապարհի աջ կողմում: Համաձայն վանքի սակավաթիվ վիմագիր արձանագրություններից մեկի, այն հիմնել են Օրբելյանները  XIV դ. սկզբներին` որպես իրենց տոհմի գերեզմանատուն:

Հովհաննես Ս. Կարապետ վանական համալիրը բաղկացած է Սպիտակավոր Ս. Աստվածածին եկեղեցուց (1301 թ.), ժամատնից (XIV դ.), երկհարկ դամբարանից, միաբանության շենքերից (1896 թ.), պարսպից (1897 թ.):

Ս. Աստվածածին Սպիտակավոր եկեղեցին,  ըստ եկեղեցու հարավային պատի վիմագիր արձանագրության,  կառուցել է Բուտ ճարտարապետը 1301թվականին:  Եկեղեցին մեկ զույգ որմնամույթերով, խորանի 2 կողմում ուղղանկյուն, երկհարկ ավանդատներով, գմբեթավոր դահլիճ է, որի սլացիկ, գլանաձև թմբուկով գմբեթը պսակված է հովանոցաձև ծածկով: Արևմտյան շքամուտքի բարավորին և նրանից վերև բարձրարվեստ բարձրաքանդակներ են, որոնց հեղինակը Սարգիս վարդապետ նկարիչն է: Եկեղեցու ներսում ընկած  մի մեծ քարի վրա` Պռոշյանների տոհմանիշ բարձրաքանդակն է, թևատարած արծիվը` խոյը ճանկերում բռնած:

Ժամատուն– կառուցված է Ս. Աստվածածին եկեղեցուց հարավարևմուտք: Թվագրվում է XIV դ.: Այն ուղղանկյուն հատակագծով, թաղածածկ կառույց է (այժմ` քանդված):
Երկհարկ եկեղեցիդամբարան– կից է ժամատանը արևմտյան կողմից: Ավերված է զանգակատան ռոտոնդան:
Միաբանության շենքեր – կառուցված են վանքի պարսպին կից: Թվագրվում են 1896 թ.:
Պարիսպ – շրջափակում է վանքի հուշարձանները: Այն ուղղանկյուն է և կառուցվել է 1897 թ.:
Վանական համալիրըունեցել է իր առանձին ջրմուղը` կավե թրծված խողովակներով, որոնք ձգվում էին մինչև ջրամբար:
Վանքի գերեզմանոցում պահպանվել են նուրբ զարդաքանդակներով խաչքարեր և կենցաղային պատկերներով գերեզմանաքարեր:
Տեղեկության աղբյուր

 

Եռօրյա ճամբար Արատեսում

Ճամփորդության վայրը՝ «Արատես» դպրական կենտրոն
Մեկնումը՝  սեպտեմբերի 25- ին, Մայր դպրոցի երթուղիների կայանատեղից,  ժամը՝ 09:30
Վերադարձը՝ Սուրբ Երրորդություն եկեղեցու բակ, սեպտեմբերի 27-ին, մինչև ժամը՝ 18:00
Մասնակիցները՝ Միջին դպրոցի տարատարիք սովորողներ
Համակարգող դասավանդող՝  Կարինե Պետրոսյան
Օգնական ՝«Արատես » դպրական կենտրոնի ղեկավար Սմբատ Պետրոսյան
Նախագծի երթուղին՝
Մեկնում՝  Երևան-Արտաշատ-Արարատ-Երասխ-Արենի-Գետափ-Շատին-Եղեգիս-Հերմոն-Արատես երթուղով
Վերադարձ՝  Արատես- Հերմոն-Եղեգիս-Շատին- Օրբելյանների քարավանատուն-Գեղհովիտ- Մարտունի- Հայրավանք-Սևան-Երևան երթուղով
Untitled

Ճանապարհի  կանգառները՝

  • Տիգրանաշենի  բարձունք` հայացք Մասիսին
  • Արփայի կիրճ
  • Եղեգիսի կիրճ
  • Եղեգիս
  • Սևանա լիճ, լող
  • Հայրավանք
  • Օրբելյանների քարավանատուն
  • Արատեսի վանք

Նպատակը՝ հայրենագիտական, աշխարհագիտական, ճանաչողական, բնապահպանական

Նախապատրաստական աշխատանքը հրապարակվում է սովորողների բլոգներում
  • քարտեզի միջոցով երթուղու կազմում
  • այցելվող վայրերի վերաբերյալ նյութերի հավաքում, ուսումնասիրություն, տարածաշրջանում աճող վայրի բույսերի ճանաչում
  • ճամփորդության նախապատրաստման, ընթացքի լուսաբանում

Արդյունքը՝ սովորողների  բլոգներում պատումների, տեսաֆիլմերի, նկարաշարերի  տեսքով

 Ճամբարի ուղղությունները՝

  • արշավ  Արատես գետի հունով
  • հասարակական նախագծեր Արատես ուսումնական կենտրոնում
  • հայրենագիտական արշավ, քայլք
  • ալոճահավաք-մասրահավաք
  • երեկոյան քննարկումներ, խաղ
  • ընթերցումներ